Nënkryetari i Partisë Demokratike, Luçiano Boçi, i ftuar sot në emisionin “Kjo Javë” ka zbuluar udhëzimet e kreut të PD-së, Sali Berisha për strukturat e kësaj partie. Duke zbuluar detaje nga takimi i sotëm i ish-kryeministrit Berisha me krerët e PD-së, Boçi tha se një front i ashpër opozitar do të ngrihet në aksion. Ndër të tjera, ai u shpreh se opozita mund të organizohet në protesta.
“Në skalionin e parë të frontit është bashkimi i të gjitha forcave politike dhe duke krijuar një opozitë të vërtetë përballë maxhorancës.
Ky front nuk do ekzistonte nëse s’do ishte një bashkim me qytetarët. Është një përballje me ato probleme që i shkakton qeverisja e keqe.
Krijimi i këtij fronti përbën bazën e formimit të burimeve njerëzore për të realizuar përplasjen ballore me maxhorancës, për të arritur atë sukses të domosdoshëm që është i dëshirueshëm nga qytetarët.
Ky regjim është akoma më i egër se ai para viteve 90. Ramiz Alia me regjimin e tij nuk tentonte të krijonte një opozitë false. Sot pushteti përdor mekanizmat e blerjes së interesave, mund të krijojë një opozitë virtuale, false, mund të trysnojë, shantazhojë, e kemi provuar në lëkurë, ka goditur persona në bizneset e tyre, jetën e tyre. Beteja nuk është e lehtë dhe na duhet angazhim, përtej fjalëve. Aksion i vërtetë atje ku është problemi i qytetarit. Përplasje me padrejtësitë. protesta një nga mekanizmat e bërjes opozitë. Sot a kemi nevojë për protestë qytetarë, të frontit opozitar, sigurisht që kemi. Është pjesë e ADN-së së një opozite.
Proceset po vazhdojnë. Ka qenë dhe pjesë e temës së sotme. Kryetarët kanë marrë udhëzime për procesin e përafrimit të strukturave për të shkuar drejt këtij fronti dhe më pas protestave”, tha Boçi.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
