Luks dhe shoqëri me VIP-a, këto janë disa nga gjërat që dihen për jetën e 27-vjeçarit, Aleksandër Sadikaj, i cili u vra sot në një atentat mafioz me eksploziv në afërsi të rrethrrotullimit të TEG. Lidhjet shoqërore të “sheikut” siç e quante veten Sadikaj shkojnë edhe më tej ndërsa mësohet se ai ishte i afërt me me shtetasin Q.R, i cili vite më parë ka kryer një vrasje në Gjirokastër. Gjithashtu Sadikaj, njihet më miqësinë me të fortin e Memaliajt, me iniciale A.K, i cili është nën akuzë nga belgët për vrasjen e dy vëllezërve ÇaÇa në 13 prill të vitit 2001 në Belgjikë.
Sjellim në kujtesë që gjatë atentatit Sadikaj, mori plagë të rënda në trup, humbi gjymtyrët (këmbët) dhe nuk mundi t’i mbijetojë hemorragjisë në spital.
27-vjeçari po udhëtonte me mjetin e llojit tip “Golf” në momentin që lënda plasëse ishte e vendosur në pjesën e parme të makinës që u hodh në erë me 150 gramë tritol.
Makina shpërtheu ndërsa ishte në lëvizje e sipër, ndërsa dyshohet se autorët e hodhën në erë me telekomandë në distancë mjetin. Ndërkaq policia, si pistë kryesore ka të shkuarën e errët kriminale të viktimës së atentatit.
