Një autor dyshohet se ka marrë pjesë në vrasjen e vëllait të kryeplakut të Grecallit në Fier mëngjesin e sotëm.
Nga hetimet e deritanishme dyshohet se autori pasi ka vrarë me thikë Petraq Gjikën është lrguar nga vendi i krimit në këmbë, duke lënë trupin e 67- vjeçarit në tokë.
Petraq Gjika është gjetur nga banorët me disa plagë të shkaktuar nga thika në trup. Ata kanë lajmëruar policinë, e cila pritet të zbardhe detaje pas këqyrjes së kamerave të sigurisë në vendin e ngjarjes.
Nuk dihen ende motivet e kësaj ngjarjeje. Pritet të merren në pyetje familjarët e viktimës për të zbuluar nëse viktima ka patur konflikte ose mosmarrëveshje me ndonjë person tjetër, që mund të jetë bërë shkak për këtë ngjarje.
Po ashtu policia po heton mbi të shkuarën e 67- vjeçarit Petraq Gjika.
Në vendngjarje ka shkuar grupi hetimor dhe po punohet për zbardhjen e kësaj ngjarje.
