Ashtu si në goditjet e herë pas hershme në Shqipëri, një sasi e madhe droge e fshehur brenda një kontejneri bananesh është sekuestruar mëngjesin e ditës së sotme në Selanik të Greqisë. Mësohet se bëhet fjalë për rreth 300 kilogramë kokainë me vlerë 14 milion euro.
Sipas mediave greke, në kuadër të këtij operacioni u arrestuan dhe 4 persona.
Mësohet se droga e sekuestruar kishte ardhur nga Kolumbia dhe ka mbërritur në portin e Selanikut.
Sasia e kokainës është transportuar më pas në një shtëpi në zonën e Shkolarit, jashtë Selanikut, ku përfundimisht është sekuestruar, ndërsa katër arrestimet janë bërë njëkohësisht.
Sipas burimeve policore, bëhet fjalë për shtetas britanikë, anëtarë të një rrjeti ndërkombëtar të trafikut të drogës.
