Një çift grek është arrestuar nga policia pasi jo vetëm që ishin trafikantë lëndësh narkotike, por ata përdornin fëmijët e mitur si “transportues”.
Ngjarja ka ndodhur në Patra, ndërsa, sipas informacioneve të mediave vendase, ata janë rreth 35 vjeç dhe përdorues heroine.
Nga kontrolli i policisë në shtëpinë e tyre u gjetën 60 gramë heroinë, një peshore precize dhe një sasi prej 1500 euro. Pas identifikimit të planit të tyre, policia i ka arrestuar ndërsa fëmijët janë dërguar në një qendër sociale.
