Kreu i PD-së Sali Berisha ka deklaruar sot se nuk ka asnjë qejfmbetje me Presidentin e Republikës Ilir Meta, pas “përplasjes” për dekretin e lirimit nga detyra si Shefi i Shtabit të Përgjithshëm të FA-ve, të Kreut të Ri të Shtetit.
I pyetur për deklaratat e Metës dhe kryetares së LSI-së Monika Kryemadhi për ta çuar në Gjykatën Kushtetuese dekretin Berisha mohoi ta depozitonte çështjen në Kushtetuese.
“Jo, unë jam shumë i kursyer në atë drejtim. E vërteta është që Kushtetuta në germë nuk njeh kufizim, por germa është germë… nuk ka kufizime, je jashtë apo brenda si Kushtetutë. Si frymë pastaj ka diskutim. Jo, jo asnjë! Të vetmen qejfmbetje që kam, që do doja ta kishte shtyrë për raundin e pestë dhe shanset për një dështim të raundit të pestë nuk ishin të vogla”, tha Berisha.
