Deputetja demokrate Grida Duma shprehet se është kundër bojkotit në seancën për votimin e Presidentit.
“Kam qenë kundër bojkoteve. Kam ditur të bëj kritikën konstruktike kundër bojkoteve. Duhet të heqim dorë nga bojkotet. Profilin e njoh pak të Begajt, edhe indivitinb e njoh pak. Besoj që ritmi i karrierave në ushtri ka një ndikim të vetin. Ka shumë për të bërë që institucionet të jenë demokratike. Do të shihni si votojë”, shprehet Duma.
Në orën 18:00, Kuvendi do të zhvillojë raundin e katërt të votimit për zgjedhjen e Presidentit të ri, teksa Partia Socialiste ka paralajmëruar se do t’i japin vendit Kreun e ri të Shtetit. Në Kuvend ka mbërritur kandidati për president, Bajram Begaj.
Emrin Bajram Begajt e bëri publik kryetari i PS-së dhe kryeministri Edi Rama. Rama e cilësoi atë si “shëmbëlltyra e atij normaliteti, qytetarie dhe sensi të shërbimit ndaj vendit dhe njerëzve të këtij vendi për të cilin ajo zyra ka nevojë urgjente”, duke iu referuar presidentit aktual Ilir Meta, me të cilin mazhoranca ka pasur përplasje të vazhdueshme.
