Të paktën 5 urdhërarreste janë ekzekutuar nga policia italiane në Katania të Italisë ndërsa mes të arrestuarve është edhe Nazer Seiti, i cili vite më parë u arrestua si pjesëtar i grupit të Habilajve. Seiti njihet ndryshe si financieri i “Habilajve”. Të arrestuarit akuzohen për trafik ndërkombëtar droge dhe armësh. Ndërkaq gjatë operacionit janë sekuestruar 3.5 ton marijuanë e 3 kallashnikovë.
Urdhërarrestet u firmosën për Angelo Busacca, Antonino Riela, Vincenzo Spampinato, Nezar Seiti e Meridian Sulaj.
Sjellim në kujtesë se ekstradimi i Seitit drejt Italisë në vitin 2018 u shoqërua me zhurmë në Shqipëri, ku PD akuzoi ministren e Drejtësisë së asokohe, Etilda Gjonaj që kishte dhënë dritë jeshile për transferimin në Itali të Seitit për të shmangur përfshirjen në dosjen e Prokurorisë së Tiranës.
Pasi i dha 2.2 MLN euro Kristinka Lekës, Gonxhe çel tenderin e ri 730 MLN lekë për larjen e çarçafëve në Spitalin e Traumës
Në pak javë, Ministri Blendi Gonxhe, përmes Operatorit të Blerjeve të Përqendruara, jep rreth 3 milionë euro vetëm për larjen...
