Një sherr për vendosjen e çadrave dhe shezlongëve është regjistruar në plazhin e Durrësit. Sipas policisë, shtetasit I.Ç, 52 vjeç, E.Ç, 25 vjeç dhe Sh.M 26 vjeç janë konfliktuar me njëri-tjetrin për vendosjen e çadrave dhe shezlongëve në bregdet. Të tre këta shtetas janë proceduar në gjendje të lirë për veprat penale “Plagosje e lehtë me dashje”, “Konkurrenca e paligjshme nëpërmjet dhunës” dhe “Vetëgjyqësia”.
“Specialistët për Hetimin e Krimit në Stacionin e Policisë Plazh referuan materialet në Prokurori dhe nisi procedimi penal në gjendje të lirë, për veprat penale “Plagosja e lehtë me dashje”, “Konkurrenca e paligjshme nëpërmjet dhunës” dhe “Vetëgjyqësia”, për shtetasit I. Ç., 52 vjeç, E. Ç., 25 vjeç dhe Sh. M., 26 vjeç, banues në Durrës, pasi janë konfliktuar me njëri-tjetrin, për vendosjen e çadrave dhe shezlongëve, në bregdet.”-njofton policia.
