Për të krijuar një miqësi të vërtetë është e nevojshme të keni durimin e kopshtarit, instinktin e atij që e do të vërtetën dhe çmendurinë për t’u hedhur “në lojë”.
Por, cilat janë rregullat për një miqësi të vërtetë?!
Pranoni defektet e miqve- Richard Templar, autori i librit “Rregullat e dashurisë”, na kujton se “nuk mund t’u kërkojmë miqve tanë që të ndryshojnë. Nëse i ke për zemër, i pranon ashtu siç janë”. Nga ana tjetër, edhe neve nuk do të na pëlqente që të na e kërkonin këtë gjë.
Bëhuni të disponueshëm- Nëse dëshironi të krijoni një miqësi që ia vlen, është e rëndësishme që të pranoni defektet e përbashkëta dhe të përpiqeni të jeni një mik/mikeshë i/e mirë ku mund të mbështeten në çdo moment.
Mos jepni shumë këshilla- Kur shihni se një mik bën një gabim, ose është pranë asaj faze, ju keni tendencë që t’i jepni shumë këshilla. Për Richard Templar, kjo gjë është gabim: “Nuk mund të jeni kurrë të sigurt se keni të drejtë dhe se miku juaj e di më mirë sesa ju atë që bën dhe atë që do për jetën e tij”.
A shkojnë bashkë miqësia dhe paratë?- Nëse merrni borxh dhe nuk ia ktheni më, ekziston rreziku që gjysma e miqësisë tuaj të marrë fund. Richard Templar thekson se e njëjta gjë ndodh edhe me objekte të tjera.
Mësoni të kërkoni falje- Keni bërë gabime të pajustifikueshme? I keni lënduar, apo tradhtuar? Nëse miqësia rrezikohet për fajin tuaj, atëherë është mirë që të mësoni të kërkoni falje. Kjo është një provë e shpëtimit të miqësisë.
/ATA/
