Akuza për abuzim me detyrën, ndalohet ish-drejtori i Urbanizimit

Ish-drejtori i Urbanizimit në Komunën e Gjilanit është ndaluar për 48 orë nga policia e Kosovës. Mësohet se arrestimi i tij ka ardhur pas disa hetimeve disa mujore të Prokurorisë Themelore në Gjilan dhe Departamentit për Krime të Rënda. Ish-drejtori me iniciale B.B, dyshohet se ka kryer veprën penale të keqpërdorimit të detyrës. Mësohet se ai ka dhënë leje ndërtimi pa plotësuar kushtet ligjore.
“I njëjti, në cilësinë e drejtorit të Urbanizmit në Komunën e Gjilanit, ka lëshuar leje të ndërtimit pa u plotësuar kushtet ligjore”, thuhet në komunikatën për media.