Pas vdekjes tragjike të 18-vjeçares Sidorela Kola së bashku me nënën dhe motrën e saj pas kontaktit me energjinë elektrike, vjen dhe reagimi i universitetit “Aleksandër Moisiu” në Durrës.
Në një postim në faqen zyrtare të Universiteti në Facebook shkruhet se Sidorela ishte një studente e shkëlqyer.
Në status, universiteti iu bën thirrje të gjithëve t’i bashkohen nismës së tyre për mbledhjen e kontributëve për familjen Kola.
“Me hidhërim të thellë morëm vesh lajmin e ndarjes nga jeta të studentes sonë të shkëlqyer Sidorela Kola, motrës dhe nënës së saj. Kjo tragjedi e madhe ka tronditur shokët, pedagogët, mbarë komunitetin tonë universitar. Shprehim ngushëllimet më të sinqerta për familjen Kola dhe miqtë.
Falenderoj Fakultetin e Biznesit për homazhet që po zhvillojnë për Sidorelën dhe iu bëj thirrje të gjithëve t’i bashkohen nismës së tyre për mbledhjen e kontributeve për familjen Kola.
Mendjet e lutjet tona janë me ta!
Prof. Dr. Kseanela Sotirofski Rektor”
