Ish-kryetarja e Kuvendit Jozefina Topalli ka reaguar pas ndarjes nga jeta të ish presidentit Bujar Nishani ditën e djeshme në një spital në Gjermani. Topalli ka ngushëlluar familjarët e Nishanit ndërsa kujton një episod me të shumë vite më parë, kur ai ndodhej përpara një operacioni të vështirë.
Ajo shprehet se operacioni ishte tepër delikat por ai në atë kohë fliste për qetësi dhe vetëkontroll, ndërsa shton se shpresoi se Nishani do ia dilte edhe kësaj here.
Statusi i Jozefina Topallit:
Lamtumire President Nishani! Bujar Nishani ka nje histori te vecante njerezore dhe politike. Pak njerez ne politike kane patur aq poste te rendesishme dhe te kene dalur nga to me respekt e dinjitet.
Edhe ne jeten personale ka kaluar sfida jo te vogla duke u perballur me jeten.
Kujtoj ,shume vite me pare, kur u takuam para se te bente nje operacion te veshtire. Askush nuk e dinte si do shkonte. Operacioni ishte teper delikat, por ai edhe ne ate situate fliste me qetesi dhe vetekontroll.
Shpresova se do ia dilte edhe kesaj here.
Me pikellim te madh shpreh ngushellimet me te thella per Odeten, femijet e familjen e tij me te gjere,per miqte dhe bashkepunetoret e tij! Bujar Nishani i ka bere nder familjes, vendit dhe Partise Demokratike! Pushofsh ne paqe mik!
