Pavarësisht se BE dhe shumë shtete perëndimore në mbështetje të Ukrainës kanë vendosur të shkëpusin tregtinë me Rusinë, në bregdetin shqiptar vijojnë të ankorohen anije me flamurin rus. Mësohet se një tjetër anije me flamur rus pritet të mbërrijë në portin e Durrësit, ndërsa është nisur nga porti i Rostovit. Anija pritet të mbërrijë në Durrës mbrëmjen e 28 majit 2022.
OMSKIY 105, që u ndërtua në vitin 1980 (42 vjet më parë) po lundron nën flamurin e Rusisë.Gjatësia e saj e përgjithshme (LOA) është 108.4 metra dhe gjerësia e saj është 15 metra.Anija OMSKIY, referuar të dhënave të orës 20:50 të mbrëmjes së të martës, ndodhej në BSEA-Deti i Zi në pozicionin 41° 42′ 15.7″ N, 030° 05′ 51.5″ E, siç raportohet nga Sistemi i Identifikimit Automatik Tokësor MarineTraffic.
Anija u nis nga ROSTOV-ON-DON, RU më 2022-05-20 05:44 LT (UTC +3) dhe aktualisht po lundron me 7.2 nyje me drejtimin Jugperëndimor duke shkuar për në DURRES. Koha e parashikuar e Mbërritjes e raportuar në 2022- 05-28 23:00 LT (UTC +3) sipas kohës lokale.
