Salloni berlinez i veturave “CTS” ka nxjerrë në shitje, në ankand, veturën e pilotit gjerman të Formula 1, Michael Schumacher. Është fjala për një makinë “Mercedes Benz”, stationwagon, E55AMG, 349 kuaj fuqi.
Vetura është prodhuar në vitin 1998, ndërsa ka të kaluara 198 mijë kilometra. Çmimi fillestar i makinës është 130 mijë euro dhe kuptohet që kjo vjen për shkak të faktit se ajo i ka takuar shtatë herë kampionit të botës në Formula 1, Schumacher.
Kujtojmë se 47vjeçari u aksidentua në fundin e vitit 2013, gjatë skijimit, dhe prej asaj kohe vazhdon të luftojë për të mbijetuar, pas operacioneve të vështira në kokë.
Vetë makina e Michael Schumacher, “Mercedess E55 AMG”, është e veçantë. Ajo harxhon 5.5-litra V-8 për 100 km, ka navigacion zë udhëzues, telefon. Në brendësi është projektuar posaçërisht, me dru arre ngjyrë argjendi dhe lëkurë të zezë e të bardhë. Pra, kjo është një makinë e bukur, edhe pse e vjetër, luksoze dhe me fuqi të mirë. (telesport)
