Familjet e dy të penduarve të drejtësisë Nuredin Dumani dhe Henrik Hoxha janë marrë në mbrojtje nga drejtësia shqiptare. Dëshmia e Dumanit me “ushtarit” të tij Hoxha ndihmoi autoritetet shqiptare të shkatërronin 8 banda kriminale dhe të zbardhin ngjarjet më të bujshme kriminale në vend. Operacioni “Plumbi i artë” i drejtuar nga SPAK arriti të vërë në pranga 18 persona të cilët dje dolën para GJKKO-së dhe u njohën me masën e sigurisë. Ndërkaq, prokurorët vijojnë punën për gjetjen dhe ballafaqimin provave për disa ngjarje të tjera që dy të penduarit kanë folur përpara prokurororëve të SPAK. Nuredin Dumani, akuzohet për 17 vepra të rënda penale.
Ai vijon të mbahet ende në spitalin e burgut, jo vetëm për të evituar përballjen me të burgosurit e tjerë por edhe se vijon të jetë nën vëzhgimin e mjekëve, ku po trajtohet për shkak ta plagosjes së një muaji më parë.
Ndërsa për të penduarin tjetër Henrik Hoxhajn rëndojnë shtatë akuza kriminale. Dëshmitë e Nuredin Dumanit dhe mikut të tij Hoxhaj çuan në zbulimin e një sërë ngjarjesh kriminale që kishin tronditur vendin. Dhe deri më tani këto dëshmi me kërkesë të SPAK u firmosën plot 32 urdhër arreste.
Referuar dëshmive të te vetë Nuredin Dumanit, SPAK ka dalë në konkluzion se ai ishte ura lidhëse e disa grupeve kriminale, duke nxjerrë në skenë emra të rënësishëm të botës së nëndheshme si Suel Çela, Ervis Martinaj, Florenc Çapja, Talo Çela, Kamber Mehja, me të cilët kishte bashkëpunuar e kishte marrë porosi për disa krime të rënda, me vlera monetare që shkonin nga 30 mijë deri në 500 mijë Euro.
