Grupi parlamentar demokrat do të mblidhet sot në orën 16:00 për të diskutuar emrat që do të dorëzojnë te maxhoranca për të marrë mbështetjen e saj për Presidentin e ri, ku nga shtatë emra që janë propozuar nga deputetët, do të zhvillohet një votim për të parë se kush do të jenë katër më të mbështeturit.
Aktualisht në garë janë ish deputeti i PD-së dhe ish ambasadori ynë në NATO, Leonard Demi, ish ambasadori në Maqedoni Arben Çejko, ish gjenerali dhe ish ministri i brendshëm Teknik, Dritan Demiraj, deputeti Dashamir Shehi, ish ministri demokrat, Halim Kosova, Princi Leka dhe shkrimtari Visar Zhiti. Gjatë mëngjesit të sotëm u tërhoq nga kjo fazë e procesit, ish-zv.kryeministri dhe ish deputeti Rexhep Uka.
Nga ana tjetër, socialistët kërkojnë një emër të mbështetur nga 20 firma, ndërsa demokratët do të kërkojnë të vijojnë me procesin, sipas tyre të dakordësuar.
KANDIDATET QE DO KALOJNE NE FAZEN TJETER
1.Leonard Demi
2.Arben Çejku
3.Dritan Demiraj
4.Dashamir Shehi
5.Halim Kosova
6.Leka Zogu
7.Visar Zhiti
KANDIDAT I TERHEQUR
Rexhep Uka
