Një aksident i rëndë ka ndodhur mëngjesin e së enjtes në fshatin Boçovë të Fierit ku një 43-vjeçar ka humbur jetën teksa punonte. Mësohet se Eduart Metushi, teksa punonte me zetor në tokat e fshatit Boçovë ka humbur kontrollin e mjetit dhe ka rënë në kanal.
Sipas informacioneve, mjeti e ka zënë Metushin poshtë dhe për pasojë ai ka humbur jetë. Policia ka shkuar në vendngjarje dhe po punon për zbardhjen e rrethanave.
“Sot rreth orës 08:00, në fshatin Boçovë, Fier, shtetasi E. M., 43 vjeç, duke punuar me zetor në tokat e fshatit Boçovë, ka humbur kontrollin e drejtimit të mjetit, ka rënë në kanal dhe për pasojë ka ndërruar jetë. Grupi hetimor po punon për zbardhjen e plotë të rrethanave të ngjarjes”, njofton policia.
