Kreu i Grupit të Partisë Demokratike Enkelejd Alibeaj mbërriti sot në Kryesinë e Kuvendit, pas ftesës që Taulant Balla i bëri për të diskutuar për zgjedhjen e Presidentit të ri. Kushti i Alibeajt për takimin me Ballën, është që të bëhet vetëm në prani të medias. Më herët Alibeaj tha se nuk do të ishte i pranishëm sot në orën 18:00 në takimin ku e ka ftuar Taulant Balla, pasi ishte i gatshëm që diskutimin ta bënte në mbledhjen që u mbajt ketë paradite.
Ndërsa në takimin që do të zhvillohet nesër me qëllim diskutimin për presidentin e ri, Alibeaj kërkoi që të jenë të pranishëm dy përfaqësuesit e tjerë të grupit parlamentar.
“E patë si ishte lëvizja në orën 6 për tu mbledhur me kolegët në takim. Çdo diskutim për presidentin të bëhet publik në media sepse unë besoj vetëm transparenca është ilaçi më i mirë kundrejt çdo lloj pazari që të gjithë e duan. Nesër në orën 10 jeni të ftuar për të parë diskutimet që ne mbajmë qëndrimin tonë. Platforma jonë është e logjikshme dhe i shërben interesit publik, një proces që të jetë në shërbim të shqiptarëve. Të ketë një proces parlamentar që të aspirojë shqiptarët. Ftesë për Mediun dhe Dodën, cilat janë kriteret – “Nesër ajo sallë është e hapur për këdo që do të diskutojë në sy të publikut, edhe Mediu dhe Doda kanë të drejtën e tyre për të diskutuar në sytë e publikut për atë”, deklaroi Alibeaj.
