Pronari i mjetit të shkrumbuar në Vlorë, ka dhënë dëshminë e tij para grupit hetimor. Rushit Imeri, ka treguar se ka dyshime te një person, i cili ia dogji mjetin dhe herën e parë. Sipas Imerit, nëse bëhet fjalë për këtë person, ai duhet të ketë lënë qelinë e burgut.
“Dyshoj tek ai që më dogji makinën herën e parë, ai e ka djegur nëse ka dalë nga burgu. Kërkoj që shteti të zbardhë ngjarjen, me këtë makinë mbaj familjen”, ka deklaruar ai.
Mjeti ‘Mercedes kamionçinë’ me targa VL0463D u përfshi nga flakët rreth orës 02:33 të natës. Dyshohet se zjarri ishte i qëllimshëm dhe mund të jetë ndonjë paralajmërim por ende mbetet e paqartë.
