Është zbardhur renditja në fletën e votimit mes ish kryeministrit Sali Berisha dhe ish kreut të degës së Kukësit, Ibsen Elezit për garën në zgjedhjet e 22 majit.
Komisioni i Organizimit dhe Kontrollit të Operacioneve Elektorale, njofton se në mbledhjen e sotme u hodh shorti për renditjen e kandidatëve në fletën e votimit, në prezencë të përfaqësuesve të tyre. Sipas njoftimit, emri i parë është i Berishës, ndërsa i dyti do të jetë Elezi.
Njoftimi:
Njoftim i Komisionit të Organizimit dhe Kontrollit të Operacioneve Elektorale në Partinë Demokratike.
MIRATIMI I FLETËS SË VOTIMIT PËR KRYETAR TË PD
Komisioni i Organizimit dhe Kontrollit të Operacioneve Elektorale, njofton se në mbledhjen e datës 16.05.2022, ora 11.30, u hodh shorti për renditjen e kandidatëve në fletën e votimit, në prezencë të përfaqësuesve të tyre.
Pas hedhjes së shortit, renditja e emrave në fletën e votimit është:
- Sali Berisha
2. Ibsen Elezi
Komisioni do njoftojë në vijim kalendarin e takimeve të dy kandidatëve për ditën e martë dt 17 maj 2022.
