Një ngjarje e rëndë ka tronditur Japoninë mëngjesin e sotëm ku një 26-vjeçar vrau me thikë 19 persona në një qëndër për trajtimin e individëve me aftësi të kufizuara, si dhe ka plagosur 25 të tjerë.
Autoritetet mundën të arrestojnë e më pas identifikojnë autorin të quajtur Satoshi Uetmatsu. Ky i fundit ka qënë dikur i punësuar në këtë qëndër ku trajtoheshin personat e sëmurë.
Vikitimat janë të moshave të ndryshme, ku më i riu është 19 vjec ndërkohë që personi më i moshuar i ndarë nga jeta është një 70-vjecar.
Nuk përjashtohet mundësia e rritjes së numrit të të vdekurve pasi 20 prej të plagosurve janë në gjendje të rëndë.
Ende nuk dihen motivet e këtij sulmi shokues, por në bazë të raportimeve paraprake, autori 26-vjeçar ka deklaruar se kërkonte që t’i zhdukte të gjithë personat me aftësi të kufizuara, për këtë arsye autoritetet kanë nisur të vënë në pikëpyetje shëndetin e tij mendor, ndërkohë po hetojnë për të zbuluar më shumë detaje për ngjarjen.
Ngjarja e rëndë ka tronditur mbarë opinionin vendas, pasi Japonia konsiderohet si një prej shteteve më të sigurta të botës. Një bilanc i tillë nuk ishte regjistruar në vendin ishullor prej shumë dekadash.
