Nëse ka një gjë për të cilën qeveria Rama do të mbahet mend, është padyshim skandali i tenderëve apo koncensioneve partneritet publik privat (PPP) për të zhvatur fondet publike që burojnë nga taksat e qytetarëve.
Së fundmi, ministria e Infrastrukturës dhe Energjetikës Belinda Balluku njoftoi se qeveria ka miratuar kontratën e koncesionit PPP të portit të integruar të Vlorës duke e futur në listën e gjatë të objekteve të dhëna me koncension në vend.
“Një projekt vendim tjetër shumë i rëndësishëm që u miratua sot është miratimi i kontratës së koncesionit me partneritetin publik privat për Triportin e Vlorës. Do të jetë porti më i ri modern, i cili do jetë një port i integruar, pasi sot ka vetëm shërbimet e peshkimit. E kemi thënë prej kohësh edhe Kuvend, edhe në takimet që kemi pasur me banorët e zonës. Do të ketë edhe pjesën e mirëmbajtjes së anijeve që deri më sot peshkatarët drejtoheshin në Itali për këtë gjë. Ky financim do paguhet nga Shqipëria vetëm në momentin që do të ketë përfunduar. Nga të ardhurat që vetë porti do të krijojë, do të nisë pagesa. Vetë Shteti nuk do të ketë asnjë shpenzim”, tha Balluku.
