Kryeministri Edi Rama vizitoi sot ish-Presidentin e Kosovës Hashim Thaçi në burgun e Hagës, Haaglenden, ku ai ndodhet prej dhjetorit të vitit 2020.
Pas takimin me ish Presidentin, Rama deklaroi se ky i fundit ishte në formë të mirë, ndërsa u shpreh i bindur se lufta e Kosovës nuk mund të rishkruhet duke nënkuptuar se beson në pafajësinë e Thaçit.
“Ishte një çmallje e nevojshme. Presidentin Thaçi e gjeta në top formë. Kur e kam takuar para se të vinte këtu që ishte një rrugë e pashmangshme për të provuar katërçipërisht para drejtësisë pastërtinë e plotë të luftës Çlirimtare dhe natyrisht edhe pastërtinë e idealit të luftëtarëve dhe udhëheqësve të UCK. Nuk ka shumë për të thënë, natyrisht që të gjithë ne jemi të bindur se lufta çlirimtare e Kosovës nuk mund të rishkruhet e as nuk mund kurrsesi të futet në korniza të tjera se ajo është tanimë e futur në kornizën e artë të heroizmit, sakrificave, gjakut të dhënë e të gjitha përpjekjeve që kanë vijuar më tej për Kosovën e lirë demokratike e sovrane”, tha Rama.
