Gjykata e Shkodrës ka dhënë masën e sigurisë “arrest me burg” për drejtuesin e mjetit, David Gjonaj, që disa ditë më parë aksidentoi për vdekje çiftin polak. Gjykata e ka cilësuar të ligjshëm arrestimin e 27-vjeçarit.
Seanca është zhvilluar me dyer të mbyllura, ndërkohë që drejtuesi i mjetit në gjykatë ka deklaruar se gjithçka ka ndodhur nga pakujdesia. Masa e sigurisë është dhënë nga gjyqtarja Izabela Radovani.
Shkaktari i aksidenti ka qenë drejtuesi i makinës tip Golf, i cili ka ndërprerë rrugën turistëve pasi ka tentuar të futet në një karburant aty pranë, por kjo manovër ka rezultuar fatale.
