Pjesëtar të skuadrës së Kastriotit dhe persona të paidentifikuar kanë ofenduar dhe më pas kanë goditur fizikisht sulmuesin e Egnatias, Pedro Augusto në ndeshjen që zhvillohet sot midis Katriotit dhe Egnatias.
Sipas informacioneve në terren, mësohet se ai ka pësuar gërvishtje dhe të çara të lehta në trup. Zyrtarët e Egnatias nuk kanë dashur t’a nisin ndeshjen sepse e kanë konsideruar si të papranueshëm dhunën dhe presionin mbi lojtarët e tyre.
Ngjarja e rëndë ka ndodhur gjatë momentit kur skuadra e Egnatias po hynte në ambientet e stadiumit. Është dashur ndërhyrja e zyrtarëve të FSHF që Egnatia të pranojë të përgatitet për të luajtur ndeshjen.
