Arjan Ndoja, prokurori i cili i mbijetoi një atentati në 2019-ën në Mbikalimin e Shkozetit ka dalë sot para Vettingut. Ndoja u bë i njohur për opinionin publik pas atentatit ku ai mbeti i plagosur, ndërsa humbi jetën shoferi i tij.
Prokurori dyshohet se ka favorizuar persona me precedentë penal gjatë detyrës së tij. Në 2009 dhe 2010 ka rezultuar se ka pasur kontakte me persona të përfshirë në korrupsion, duke caktuar një trupë gjykuese për një konflikt pronash.
Kujtojmë se Ndoja u përshi në një atentat në mbikalimin e Shkozetit në Durrës, ku mbeti i plagosur ai vetë, shoferi Andi Maloku si dhe një person tjetër i identifikuar si Aleksandër Laho- emri i vërtetë i të cilit është Landi Muharremi i dyshuar për përfshirje në krimin e organizuar.
Arjan Ndoja përfundoi studimet në Shkollën e Magjistraturës në vitin 2002 dhe punoi fillimisht si prokuror në Prokurorinë e Durrësit. Në vitin 2004, Ndoja u largua nga prokuroria dhe punoi si avokat deri në vitin 2008, kur u rikthye në sistem.
