Mbretëresha e popit, Madonna është ndarë nga i dashuri i saj Ahlamalik Ëilliams, pas tre vitesh lidhje së bashku. 63 vjeçja, u ka thënë miqve se është sërish beqare pasi vendosi se gjërat nuk po funksiononin me balerinin amerikan, 28 vjeç.
Çifti, të cilët kanë një diferencë moshe 35-vjeçare filluan të takoheshin në vitin 2019 dhe Madonna postonte rregullisht fotot me të në rrjetet e saj sociale. Por ata nuk janë parë më së bashku që nga janari i këtij viti dhe miqtë shprehen se kanë vendosur që të ndahen në mënyrë miqësore.
“Madonna është futur në një jetë të ngarkuar shoqërore dhe është takuar me miqtë dhe familjen e saj pas ndarjes. Ajo ka një orar të ngjeshur, duke punuar në biografinë e saj të ardhshme, muzikën e re dhe duke u kujdesur për familjen e saj”.
Gjithashtu, një burim i afërt i çiftit ka treguar se ata e kanë ruajtur marrëdhënien e tyre dhe nuk kanë hatërmbetje mes tyre.
“Ka shumë dashuri por për momentin kanë vendosur të ndahen. Ata janë ende në marrëdhënie të mira dhe nuk ka hatër mbetje, por ata kanë qëllime të ndryshme në jetën e tyre. Ata kaluan muaj së bashku në turne dhe në izolim, por tani ai është larguar nga shtëpia e saj.”
Gjatë romancës së tyre, ajo ndihmoi Ahlamalik të arrinte një marrëveshje fitimprurëse me stilisten Stella McCartney dhe bashkëpunoi me të për një këngë ndërsa ai përpiqej të niste karrierën e tij muzikore.
Ndërkohë, Madonna aktualisht është në procesin e punës për një biografi të jetës së saj dhe së fundmi zbuloi se po mbante audicione për projektin.
