Vendimi për ish-kryeprokurorin Adriatik Llalla pritet të vuloset ditën e premte.
Llalla aktualisht ndodhet në Itali, vend ku u vetëdorëzua pas shpalljes në kërkim ndërkombëtar nga autoritetet shqiptare, ende në pritje të vendimit që do të marrë gjykata pas kërkesës së Shqipërisë për ekstradimin e tij.
Ish-kryeprokurori ka aplikuar për azil politik në Itali, dhe nuk dihet nëse do të pranohet kërkesa e autoriteteve shqiptare për ekstradimin e tij. Sipas njoftimit të SPAK, pritet që Llalla të ekstradohet nga Italia për të vijuar me proceduar e dënimit të tij në Shqipëri.
Kujtojmë se, në 20 maj 2021, SPAK e dënoi me dy vite burg, por nga gjykimi i shkurtuar, ai do të kryejë 1.4 vite burg. Në 9 mars 2021, SPAK përfundoi hetimet për veprat penale “refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.
