Në konferencën nga selia blu, deputeti demokrat Flamur Noka, komentoi ndër të tjera mbledhjen e djeshme të grupit parlamentar, e cila u karakterizua nga përplasje të ashpra mes palëve.
Noka sulmoi ashpër Alibeajn se është i marrë peng, dhe vazhdon të bëjë lojën e Bashës dhe Ramës për të përçarë opozitën, ndërsa shton se asnjë nga deputetët nuk e mbështet në qëndrimin e tij.
“Siç jeni në dijeni, pas datës 6 Mars, të gjithë mazhoranca brenda PD-së, duke filluar nga Sali Berisha dhe gjithë të tjerët, ka pasur një devizë bashkimi. Për fat të keq, ju edhe mbrëmë e konstatuat, Enkelejd Alibeaj nuk ka lidhje me bashkimin, po vazhdon lojën e Bashës dhe Ramës për të përçarë PD-në. Çfarë është diskutuar në mbledhjen e grupit të PD-së është kjo, të gjithë janë kundër qëndrimit përçarës të Enkelejd Alibeajt, askush nuk e ndoqi kur u çua dhe u largua nga mbledhja. Nëse Alibeaj është peng, siç ishte dhe Basha iu them se deputetët janë të lirë, për ta bërë PD një forcë fituese. Ky është një proces përbashkues, asgjë nuk e ndal, pengjet bëjnë punën e tyre, demokratët janë në punën e tyre”, tha Noka.
