Ambasada gjermane në Tiranë ka zbuluar detaje të reja nga nënshkrimi i marrëveshjes mes dy qeverive për njohjen reciproke të lejeve të drejtimit në vendet përkatëse.
Me anë të një statusi në rrjetet sociale, ambasada njofton se rregullat e reja hyjnë në fuqi më 1 qershor 2022, ku zotëruesit e një lejeje drejtimi të kategorive A, A1, A2, B, BE, C, C1, C2, D, D1, D2 (motor, veturë, kamion, autobus), të lëshuara pas datës 24 janar 2017, mund të bëjnë konvertimin pa qenë nevoja e një provimi të ri.
Njoftimi vlen për shtetas me rezidencë në Gjermani (qëndrimi në Gjermani për të paktën 185 ditë në vit), ndërsa shkruhet se përmes kësaj marrëveshje bashkëqytetarët/et shqiptarë/e në Gjermani krijohet mundësia e një aksesi të sigurt ligjor në tregun e punës.
