Ish-zëvendës ndihmësi i sekretarit të mbrojtjes për Europën dhe NATO-n, Michael Ryan ka komentuar zhvillimet më të fundit të agresionit rus në Ukrainë dhe sa të afërt e shikon fundin e saj.
Në një intervistë me Skynews, ai tha se ndërsa rusët rivlerësuan objektivin e tyre për t’u fokusuar në Ukrainën lindore, problemi i tyre madhor do të jetë nëse mund të rigrupojnë forcat dhe të marrin kontrollin në lindje.
“Tre javët e ardhshme do të jenë vendimtare, pasi do të përcaktojnë rezultatin e luftës. Nëse ne në Perëndim rrisim furnizimin ndaj ukrainasve, ukrainasit mund të fitojnë”, tha ai.
Duke folur për emërimin e fundit nga Rusia të gjeneralit Alexander Dvornikov, Ryan tha se ai besonte se komandanti i ri do t’i kthehej taktikave klasike ruse, duke përfshirë sulme masive ajrore dhe artilerie.
“Do të shkaktojë shumë brutalitet, siç ka parashikuar Presidenti Zelenskyy. Do të duket si Lufta e Dytë Botërore, ashtu siç tha ministri i jashtëm ukrainas. Por në fund të ditës rusët do të pësojnë edhe më shumë viktima me këtë qasje”, shtoi si.
Ryan tha se loja e fundit e Presidentit Vladimir Putin është të qëndrojë në pushtet, sepse atij nuk i mbeten shumë opsione nëse largohet nga pushteti.
