Gjiko, emri i vërtetë i të cilit është Asdren Gjikolli, ka qenë këto kohë në qendër të vëmendjes, pasi një vajzë e panjohur për publikun, e akuzon për mashtrim dhe abuzim seksual vite më parë, në premtimin e një karriere për ta bërë këngëtare.
Reperi ka reaguar publikisht lidhur me këtë çështje, duke e quajtur këtë gjë mashtrim nga ana e vajzës në bashkëpunim me disa gazeta online të cilat kanë publikuar artikuj pa dëshmi për kryerjen e këtij akti.
Ditën e premte, Gjiko ka postuar në rrjetin e tij social Instagram një video ku përmes saj u ka kërkuar, që ta publikojnë video-dëshminë “që e kanë”, por që sipas reperit ajo nuk ekziston sepse një ngjarje e tillë nuk ka ndodhur asnjëherë.
Menjëherë pas publikimit të këtij video-mesazhi reperi ka marrë një pafundësi mesazhesh mbështetëse nga ndjekësit e tij në InstaDirect. Në këto mesazhe lexoheshin fjale suportuese ku shumë prej tyre e mbështesnin reperin nga Peja.
Së fundmi, ai i ka ndarë me ndjekësit në Instagram shumë prej këtyre mesazheve, duke i falënderuar për mbështetjen dhe besimin e treguar ndaj tij.
