Edhe pse ndodhet në qeli prej muajsh, ish-ministri Lefter Koka nuk i ndal lëvizjet për të shpëtuar. Dy herë rresht ai ka dërguar rekurs për lirim me kush dhe asnjëherë nuk i është pranuar. Ish-ministri i mjedisit i ka kërkuar Gjykatës së Lartë lirimin nga sekuestro të pasurisë së tij. Koka i kërkon gjykatës së Lartë heqjen nga sekuestro të kantinës së verës, ku rezulton të jetë pronar me 88.19% të aksioneve.
Rekursi vjen pasi Koka humbi dy beteja të tjera në dy shkallë të Gjyqësorit. Biznesi u vu në sekuestro pas hetimeve për inceneratorin e Elbasanit. Kantina u sekuestrua me urdhër të SPAK, pasi kjo strukturë e akuzon atë për akuzën e “Shpërdorimit të detyrës”, “Pastrimit të parave”, të përfituara nga korrupsioni për koncesionin e ndërtimit të inceneratorit të Elbasanit.
Kujtojmë se fatin e tij pati edhe deputeti i PS, Alqi Bllako i cili u arrestua vetëm pak ditë më parë po për aferën e Inceneratorit të Elbasanit. Ndërkohë hetimet vazhdojnë dhe PD ka paralajmëruar se do të çojë në gjykatë padi të tjera, për persona të përfshirë në këtë aferë korruptive.
