Këngëtarja Ellie Goulding ka anuluar dy koncertet e saj të fundit. Shkak është bërë dëmtimi i kordave vokale të saj nga performancat e shumta live që ka patur gjatë këtij viti.
Ellie do të performonte në Finlandë, por ka lajmëruar se nuk do të ketë mundësi të zhvillojë koncertin.
“Më vjen keq që më është dashur të anuloj koncertet e fundjavës. Për shkak të problemeve shëndetësore më është këshilluar të mos udhëtoj dhe të mos performoj.Kam bërë rreth 100 koncerte këtë vit dhe doktorët më kanë thënë se mund të humbas zërin. Por, do të rikthehem në skenë shumë shpejt”, u shpreh këngëtarja.
