Robert Berisha është një emër jo pak i njohur në botën e showbizit shqiptar. Ai tashmë në rolin e moderatorit, ka pasur të ftuar në emisionin e tij, këngëtarin e njohur Bardhyl Idrizi i njohur me emrin e artit Bardhi.
Përpos shumë temave që kanë diskutuar në studio, Berisha është ndalur te bashkëpunimi i këngëtarit me Elvana Gjatën, ku ka thënë se këngëtares i është rritur mendja.
“Elvana është artiste dhe i është rritur mendja. Ku janë ato 25 a 30 vite që kemi ngrënë dhe kemi pirë në një hotel dhe kemi udhëtuar me një autobus, me një makinë. Humbën, si je a e dini, por është një artiste e mirë’’.
Me këtë deklaratë, moderatori la të nënkuptojë se këngëtarja është sjellë shumë ftohtë ndaj tij kohët e fundit. Gjithashtu, Robert Berisha ka qenë në qendër të mediave rozë pas fotos që postoi në rrjetin e tij social Instagram me të bijën, Renee, ku shfaqet duke i dhënë një puthje në buzë. Ky gjest ka bërë që të marrë reagime të shumta, mirëpo më pas artisti i ka fshirë dhe i ka limituar komentet në postimin e tij.
Kujtojmë se, Renee është vajza e Robertit nga martesa me këngëtaren Nora Istrefi. Dyshja janë shembulli perfekt i çifteve që pas ndarjes kanë ruajtur miqësinë për vajzën e tyre. Pas dasmës së bujshme dhe 13 vite në krahët e njëri-tjetrit, çifti vendosi që ndarja ishte zgjedhja më e mirë për ta.
