Jemi i vetmi vend që kemi kapacitet të larta të prodhimit të energjisë e në fund po vuajmë më shumë krizën. Qeveria thotë se vjen nga lufta, por faktet tregojnë të kundërtën. Ndërsa Kryeministri Edi Rama dhe ministrja Belinda Balluku flasin për krizë energjetike dhe për ditë me radhë ushtruan presion mbi qytetarët lidhur me faturat e energjisë, Korporata Elektroenergjike Shqiptare shet energji.
Dhe e gjitha kjo ndodh kur rrugët kryesore të vendit prej orës 23:00 të çdo mbrëmjeje janë pa ndriçim në kuadrin e masave të propozuara nga Qeveria për kursimin e energjisë. Reshjet intensive të shiut kanë shtuar prodhimin e energjisë në vend duke bërë që në kaskadën e Drinit rezerva energjetike të arrijë në 350 GËH nga 313 GËH që ishte para dy javëve .
Për të menaxhuar energjinë e prodhuar ditët e fundit Korporata elektro- energjetike ka hapur tender për të shitur energji për datat 1 dhe 2 prill. Sipas dokumentave rezulton se ka shitur rreth 11 mijë e 800 MËH me një çmim mesatar prej 150 euro megavatori. Të njëjtën sasi rezulton se e ka para- blerë para disa ditëve për të furnizuar vendin.
Por energjia elektrike e parablerë për ditët e para të prillit rezulton se është importuar me çmim më të lartë e cila arrin në një mesatare prej 290 euro për megavator.
