14 persona dhe biznese të tjera i janë shtuar listës së sanksioneve të Mbretërisë së Bashkuar kundër Rusisë, duke përfshirë Sergey Brilev, një propagandues që ka në pronësi agjensinë e lajmeve Russia Today (RT).
Ndër të sanksionuarit janë: Aleksandr Zharov, shef ekzekutiv i Gazprom-Media, Alexey Nikolov, drejtor i RT, Anton Anisimov, drejtor i Transmetimit Ndërkombëtar Sputnik.
Gjithashtu, listës i është shtuar edhe i ashtuquajturi “kasap i Mariupolit”, gjenerali rus Mikhail Mizintsev, i cili akuzohet për sulmet në objektivat e banimit në qytetin e rrethuar.
Lufta e Putinit kundër Ukrainës bazohet në një lumë gënjeshtrash. Britania ka ndihmuar në ekspozimin e dezinformatave të Kremlinit dhe kjo paketë e re sanksionesh godet propaganduesit e paturpshëm që mbështesin lajmet dhe narrativat e rreme të Putinit.
“Ne do të vazhdojmë të vendosin më shumë sanksione për të rritur presionin ndaj Rusisë dhe për të siguruar humbjen e Putinit në Ukrainë,” raportoi sekretarja e jashtme britanike Liz Truss.
