Melisa Lleshi dhe Andi Shehi, dy ish-konkurrentët e programit të dashurisë “Për’puthen”, bënë disa postime thumbuese për njëri-tjetrin në rrjetet e tyre sociale, duke lënë të kuptonin se i kishin dhënë fund lidhjes.
Çifti i njohur fshiu të gjitha fotot në rrjetin social Instagram ku shfaqeshin në shoqërinë e njëri-tjetrit.
Gjatë kësaj periudhe, Melisa u shpreh e “penduar deri në pikën e fundit” për çdo gjë, më pas e penduar ajo bëri një tjetër postim ku dukej sikur po i kërkonte falje Andit për çfarë kishte publikuar më parë.
“E penduar deri në pikë të fundit. U kry. Euforike gjithmonë. Hiperaktive. Flas pafund prandaj ma kanë vu gishtin gjithmonë mu. Veç unë e ti e dimë sa shumë nuk kam folur. Nuk më intereson çka ju të gjithë mendoni sepse ky është limiti”, është shprehur e revoltuar Melisa.
Nga ana tjetër, pas këtij postimi ajo është shprehur se është penduar për atë që ka postuar më parë duke thënë se ishte me nerva.
“Mbase jam pak impulsive, më fal për fjalët e gabuara që të thashë sepse isha me nerva”.
Por tani fansat e tyre kanë vënë re se ata kanë rikthyer në Instagram të gjitha postimet që kishin së bashku. Me këtë veprim, Melisa dhe Andi lënë të kuptojnë se janë ende bashkë.
