Pasi Gjykata e Tiranës njohu ndryshimet statutore të Kuvendit të Berishës dhe deputetët e Komisionit të Rithemelimit zhvilluan mbledhje në seli, kanë nisur ndryshimet e para në PD.
Prej dy ditësh vijon procesi i çbunkerizimit, pasi ish-kreu Lulzim Basha blindoi dyert e selisë para protestës së 8 janarit. Video e mëposhtme tregon një nga momentet kur tre punëtorë mezi që lëvizin një nga dyert e blinduara, e cila është arritur të hiqet pas disa orë punimesh.
Blindimi i selisë së PD u bë nga Lulzim Basha, i cili bashkë me Gazment Bardhin, për ditë me radhë mohuan vendosjen e dyerve të blinduara, ndërsa flisnin për rikonstruksione të thjeshta brenda selisë, megjithëse videot në rrjetet sociale i nxorën jo pak herë blof.
Ish-Kryeministri Sali Berisha u shpreh se nuk e di nëse veprime të tilla janë ose jo normale, por tashmë ka nisur procesi për ç’bunkerizimin e PD, e cila është shtëpia e demokratëve.
