Që pas lajmit të dorëheqjes si kryetar i Partisë Demokratike, Lulzim Basha nuk ka bërë asnjë dalje publike, madje nuk ishte as në seancën e fundit plenare.
Së fundmi, një foto po qarkullon në rrjetet sociale, ku Basha shihet në aeroport me valixhe në dorë, pasi mesa duket ka vendosur të largohet nga vendi, me siguri drejt Hollandës.
Ish-kreu i PD nuk ka qëndruar as të përballet me Berishën apo deputetët e Rithemelimit, apo të japë një deklaratë për vendimin e Gjykatës për njohjen e statutit të Berishës, duke zgjedhur si gjithmonë t’i ikë përgjegjësive.
Ndonëse në fjalimin e dorëheqjes, Basha la të nënkuptuar se do të garonte sërish si kryetar i PD, pas qëndrimeve të tij të fundit, duke qëndruar apatik pas zhvillimeve më të fundit në PD, po vihet në pikëpyetje nëse ai do të mbajë mandatin e deputetit, ose thjesht ka vendosur të largohet disa kohë për pushime.
