Kryetari i Komanduar i PD, Enkelejd Alibeaj dhe kryetari i grupit parlamentar të PD, Edmond Spaho janë përplasur ashpër në seancën e sotme plenare. Edhe pse kanë bërë thirrje për bashkim dhe për respekt të ndërsjellët mes tyre, të dyja palët në Partinë Demokratike nuk e kanë nisur nga sot bashkimin, përkundrazi.
Alibeaj tha se seanca e sotme plenare duhet të nisë me interpelancën e kërkuar me kryeministrin Edi Rama dhe jo me mocionin e debatit të kërkuar nga grupi parlamentar i PD për krizën e çmimeve. Ndërkohë, kreu i grupit parlamentar të PD, Enkelkelejd Alibeaj u shpreh se duhet të respektohet rregullorja. Sipas tij, Kuvendi duhet të kthehet në arenë debati në shërbim të qytetarëve.
“Unë kam paraqitur një kërkesë për mocion për një çështje të rëndësishme. Është më e udhës për gjithkënd në këtë parlament ti dedikohemi asaj që shqiptarët kanë problemin më kryesor. Për këtë arsye zonjë duke respektuar rregulloren unë besoj që të fillojë një orë e më parë me të gjitha çështjet. Respektimi i rregullores duhet të jetë strikt. Vëmendja e shqiptarëve është e njëjtë. Ky parlament do të duhet të kthehet në arenën e debatit në shërbim të publikut”, tha Alibeaj. Ndërsa Spaho i tha mes ironie se po sillet si zëdhënës i opozitës.
