Ministri i Jashtëm i Turqisë, Mevlut Çavushoglu, i cili po ndërmjetëson bisedimet e paqes midis Ukrainës dhe Rusisë, ëështë shprehur ditën e sotme se të dyja palët janë afër një marrëveshjeje.
Çavushoglu ka thënë se nuk është një gjë e lehtë të pajtohesh ndërsa lufta po vazhdon, ndërsa civilët vriten, por nga ana tjetër ai shtoi se palët janë afër një marrëveshjeje.
Sipas burimeve për BBC, Çavushogl vizitoi Rusinë dhe Ukrainën këtë javë, pasi Turqia ka lidhje të forta me të dy palët.
Ai shtoi se Turqia ishte në kontakt me ekipet negociuese, por refuzoi të fliste për detajet e bisedimeve pasi Turqia luan një rol të ndershëm ndërmjetësues dhe lehtësues.
Po sipas BBC, të dyja palët po negociojnë për gjashtë pika kyçe:
1.Neutraliteti i Ukrainës
2.Çarmatimi dhe garancitë e sigurisë
- I ashtuquajturi “denazifikimi” i Ukrainës
- Heqjen e pengesave në përdorimin e gjuhës ruse në Ukrainë
- Statusi i rajonit separatist të Donbasit
- Statusi i Krimesë së aneksuar nga Rusia në vitin 2014
Së fundmi vë në pah BBC se, presidenti i Ukrainës, Volodymyr Zelensky raportoi në një video të shtunën se tanimë ka ardhur koha për të biseduar për integritet territorial dhe drejtësi për Ukrainën.
“Kjo është koha për t’u takuar, për të biseduar, koha për rinovimin e integritetit territorial dhe drejtësisë për Ukrainën”.
