Deputeti demokrat Dashnor Sula ka dhënë një deklaratë për mediat para hyrjen në Kuvend ku ndër të tjera komentoi dhe zhvillimet më të fundit në Partinë Demokratike.
Sikurse shumica dërrmuese e deputetëve të tjerë, dhe Sula kërkoi që Berisha dhe Basha të bëjnë një hap pas, ndërsa shtoi se ende nuk ka asnjë emër potencial për kreun e PD.
“Nuk e shikoj kështu problemin, nuk do ishte e udhës që të kishim zgjedhje, duke kërkuar ndjesë familjeve të komunistëve dhe atëherë kishte zgjedhje pas 1 viti. Të bësh zgjedhje do ishte nonsens, kemi një shumicë brenda pakicës, Foltorja është shumicë. I takon Berishës që t’i hapë rrugën dhe mundësinë, do ishte e udhës që të shkonim me një komision. Kam deklaruar se nuk do të votoj kurrë për largimin e asnjërit nga PD, nuk është zgjidhje për përjashtim, nëse nuk e kupton as Basha dhe as Berisha domethënë se ne po flasim kot”, tha Sula.
