Koncerti këngëtarit latin me famë botërore, Maluma i vuri flakën Tiranës mbrëmjen e djeshme, ku ndër të tjera nuk kanë munguar as komentet e qytetarëve se ai është paguar nga fondi i buxhetit të shtetit.
Së fundmi, kryeministri Edi Rama i është kthyer ashpër një komentuesi i cili me ironi i thotë faleminderit për koncertin, ndërsa Rama i kthehet duke thënë se koncerti nuk është paguar me fondet publike, por nga një kompani private, megjithëse është e vështirë për tu besuar.
Komentuesi: Faleminderit për koncertin dje, dhe të gjithë e kuptuam turpin
Rama: Jo qe s’ke kuptuar gjë, po je keqkuptuar edhe më shumë, sepse koncerti nuk kishte asnjë lidhje me asnjë qindarkë nga fondet publike, po ishte i organizuar nga një kompani private, ç’ka e bën turpin e protestës edhe më të turpshëm në fakt, kur mendon se aty thuhen edhe maskarallëqe të tilla si Malumja me lekët e shtetit, Maybach-u i Lali Erit apo Abazhuri prej floriri i zyrës time”, ia kthen Rama komentuesit.
Kujtojmë se, në media përflitet se koncerti i Malumës ka shkuar rreth 600 mijë euro, në një kohë kur vendin gëlon nga protestat masive për rritjen e çmimeve.
