Prej kohësh është njoftuar se artisti latin, Maluma, do të mbajë Ditën e nesërme një koncert në sheshin “Nënë Tereza” në Tiranë. Mbrëmja është organizuar nga kryetari i Bashkisë, Erion Veliaj, gjersa ishte planifikuar të vinte në Shqipëri para pandemisë.
Ky lajm duket se nuk u prit edhe aq mirë nga reperi shqiptar Arkimed Lushaj i njohur si Stresi, i cili kërkoi nga populli ta bojkotonte këtë koncert.
Në një shkrim të bërë në rrjete sociale, Stresi është shprehur se populli nuk kanë bukë për të ngrënë, ndërkohë që kostoja e këtij eventi ka kaluar 700 mijë euro.
“Populli nuk ka bukë për të ngrënë? Dhe e dini sa ka shkruar kostoja e këtij koncerti? Mbi 700 mijë euro organizim. Bojkotojeni këtë koncert”.
Kujtojmë se, Maluma do të performonte në vitin 2020, por shfaqja ishte shtyrë deri në këtë kohë për shkak të situatës së krijuar me Covid-19.
Përveç Maluma-s, në këtë koncert do të këndojnë edhe artistë shqiptarë si Ronela Hajati dhe Elgit Doda.
