Ditën e sotme, e ftuar në emisionin “E Diell”, Beniada Nishani i ka bërë një shaka “me spec” nënës së saj.
Ish-banorja e “Big Brother Vip” e mori të ëmën në telefon dhe i tha se jo vetëm që ishte shtatzënë, por priste binjakë dhe madje nga një burrë i martuar.
“Po pres binjakë. Kam njohur një djalë sa dola nga “Big Brother VIP” dhe nuk e di si ka mundësi. Kam ngelur shtatzënë. Unë dua t’i mbaj. Më gjej dy emra, një çun dhe një gocë. Është i martuar me dy fëmijë. Por, është i bukur. Nuk e dija se ishte i martuar. Ka edhe shumë lekë. Është i huaj, nga Gjermania. Ervin Kurti na ka njohur”- i tha modelja nënës së saj, duke vijuar lojën.
Nga ana tjetër, mamaja e saj ka reaguar duke thënë se është e qetë, por nuk rezulton kështu nga pyetjet e njëpasnjëshme që i ka drejtuar nga telefoni Beniadës.
“Jo. Jo. Nuk jam mërzitur. Por, kush është? Nuk e di për emrat e fëmijëve se i mendojmë më vonë, por kush është ai njeriu. E kam mendjen…nuk e kam problem unë por…”
Kujtojmë se, Beniada Nishani ishte një ndër banoret më të pëlqyera brenda shtëpisë më të famshme dhe arriti deri në finale.
