Deputetja e Partisë Demokratike, Grida Duma, ka njoftuar pak më parë se ka dhënë dorëheqje nga funksioni i saj në Partinë Demokratike ku ishte nën/kryetare.
Ajo e ka bërë të ditur këtë gjë nëpërmjet një statusi në facebook ku shkruan:
Partia Demokaratike e Shqipërisë është në ditët më të vështira, traumat e humbjeve të njëpasnjëshme nuk po rikuperohen sepse Lulzim Basha i përdor dhe negocion që dështimet e Partisë Demokratike t’i kthehen në fitime të tij.
Pasi shumica e grupit parlamentar i kërkoi me maturi politike të ndërmarrë akte të përgjegjshme dhe të japë dorëheqjen, Lulzim Basha përdori një pakicë të zhgënjyerish për të goditur deputët, më të votuarit dhe më përfaqësuesit e Partisë Demokratike.
Fakti që Lulzim Basha nuk largohet edhe pasi shumica e grupit parlamentar i kërkoi dorëheqjen na kërkon të gjithëve vendimarrje për shpëtimin e demokratëve të sakrifikuar një dekadë.
Megjithëse personalisht nuk kam asnjë përgjegjësi në vendimarrje dhe ia kam shkruar e lënë të dokumentuara vendimet e dëmshme sot deklaroj që jap dorëheqjen si Nën/Kryetare e Partisë Demokratike, duke qenë ky vetëm një prej vendimeve të domsdoshme për demokratët.
Partia Demokratike nuk mund të jetë humbëse se duhet që dështaku të fitojë e përfitojë!
Në lidhje me këtë ka reaguar edhe Berisha i cili në ato momente ishte në një konferencë me gazetarët dhe teksa u pyet deklaroj:
Berisha: Mirëpres dhe vlerësoj çdo deklaratë të deputetëve, mirëpres bashkimin e tyre me Komisionin e Rithemelimit dhe i garantoj se ky bashkim ka në bazë vlerësimin e ideve demokratike.
Komisioni i Rithemelimit është një komision i përkohshëm dhe në Kuvendin e ardhshëm nuk do të ekzistoj, çdo njeri do të ketë të drejtë të kandidojë për poste në Partinë Demokratike.
Gjykata e Lartë e Zyrihut përjashton të dhënat e marra nga SkyECC
Gjykata e Lartë e Zyrihut përjashton të dhënat e marra nga SkyECC Ky vendim i Gjykatës së Lartë të Kantonit...
