Kreu i Partisë Demokratike Lulzim Basha e ka të vështirë të pranojë humbjen pas pesë palë zgjedhjesh, duke refuzuar të japë dorëheqjen, ndërsa PD ndodhet në pikën më kritike që nga krijimi i saj.
Mësohet se, pas mbledhjes me kryetarët e degëve dhe grupit parlamentar të PD, Basha do të mbledhë sot kryesinë, ku nuk pritet të ketë të reja. Kjo pasi sikurse me krerët e degëve të cilët i qëndruan pranë për të ruajtur karriget e tyre, e njëjta gjë pritet të ndodhë me kryesinë ku ka njerëzit e tij më të besuar.
Ndërsa e kundërta ka ndodhur me grupin parlamentar të cilët kanë pasur reagime të forta duke i kërkuar zyrtarisht dorëheqjen, por ky i fundit duket i pashqetësuar brenda bunkerit i fshehur pas fustanit të Jorida Tabakut.
