Policia ka arritur të gjejë gjumë në armët e groposura, që u gjetën në Lezhë. Sipas ekspertizës së kryer, armët janë përdorur në vrasjen e rapsodit në Lezhë. Kol Murrani dhe shokut të tij, Preng Simoni. Dy viktimat u ekzekutuan në vitin 2020 në Lalm lukaj të Lezhës, pikërisht në fshatin ku u gjetën edhe armët e groposura.
Sipas informacioneve pas ekzaminimeve të realizuara në laboratorin shkencor, është provuar se armët janë përdorur nga dy persona të ndryshëm.Ndërkohë në lidhje me këtë ngjarje i arrestuar me 11 shkurt të këtij viti, në shtëpinë e tij, Edmond Perdoda ka pranuar autorësinë dhe ishte ky i fundit që pasi u arrestua nga policia tregoi edhe vendin ku fshiheshin armët. Ndërsa nga ana tjetër ai që është arrestuar që në fillim për ekzekutimin e dyfishtë vëllai i tij, Aleksandër Perdoda, nuk e ka pranuar në asnjë moment krimin duke mohuar të ketë lidhje me ngjarjen për të cilën akuzohet.Tashmë hetuesit duhet të kryejnë të tjera hetime për të identifikuar personin e dytë që mund të jetë përfshirë në vrasje.
Kol Murrani dhe Preng Simoni u vranë në rrethana ende të paqarta ndërsa kishin shkuar mëngjesin e 27 prillit në fshatin e tyre të lindjes në Lalm Lukaj të Njësisë Administrative Kolsh në Lezhë, vendi edhe ku u gjetën të vdekur. Ndërkohë kujtojmë se viktimat u gjetën të pajetë 5 orë më vonë nga djali i rapsodit që kishte dalë në fshat pasi babai nuk i përgjigjej më në telefon. Nuk dihen ende rrethanat e plota të këtij krimi të dyfishtë.
